Auðvitað er þetta um ofbeldi

Hvaða hundakúnstir eru þetta í verslunarmanninum. Það er ekkert hægt að misskilja þessa mynd og textann. Það verður engin eðlisbreyting á barsmíðunum við að stunda þær innan hrings. Á að reyna að telja okkur trú um að barsmíðar í hring séu siðvætt ofbeldi?

Sveiattan.

Ekki stuðlað að ofbeldi

Athugasemdir

[Tommi (IP-tala skráð) 29.7.2011 kl. 19:46]

Það er þó betra að tveir einstaklingar geti mæst á löglegan máta og barið á hvorum öðrum í kontróleruðu umhverfi, en að menn séu að ráðast á aðra að óvörum. Það verður einmitt eðlisbreyting á barsmíðunum við að færa þau inn í hringinn.

[Sigurbjörn Sveinsson, 29.7.2011 kl. 20:54]

Ósammála.

[jonasgeir (IP-tala skráð) 30.7.2011 kl. 09:17]

Það er alveg með ólíkindum ofbeldisdýrkun manna sem finnst í lagi að menn valdi hvor öðrum skaða ef einhver borgar fyrir að horfa á ósköpin.

Mikið er ég sammála Sigurbjörn.

[Gunnar Heiðarsson, 30.7.2011 kl. 09:40]

"Það er jákvætt að berja fólk". Þessi setning segir það sem segja þarf og ekki hægt að skilja hana nema á einn veg, alveg sama þó vitnað sé í erlendann bardagamann sem einungis er þekktur innan þröngs hóps fólks hér á landi. Það kemur ekki fram á auglýsingunni að um tilvitnun sé að ræða.

Þá er myndin sem auglýsingunni fylgir ekki fögur, maður hálfboginn yfir öðrum liggjandi, að gerir sig líklegann til að berja þann sem liggur!! Það hefur aldrei verið talið stórmannlegt að berja liggjandi menn og ótrúlegt ef einhver telur það vera íþrótt!!

Þeir sem setja svona auglýsingu upp ættu að skammast sín, alveg óháð því hvort þeir eru hlynntur bardagaíþróttum eða ekki.