Mundi á Hóli

Ég er í Búðardal að vinna. Konan mín segir að ég sé að skemmta mér. Það er nærri lagi.  Í dag heimsótti ég Munda á Hóli á hjúkrunarheimilið og fékk í nefið hjá honum. Það voru fyrstu kynni okkar Munda fyrir rúmum 30 árum að hann bauð mér í nefið undir kaupfélagsveggnum. Síðan höfum við átt samfélag um neftóbakið. Hann er hættur að taka í nefið sagði hann mér. Það hélt ég aldrei mundi gerast. Eins og Sigríður Árnadóttir vinkona hans sagði: hann færi aldrei frá Hóli nema í kistu. Sú spá rættist heldur ekki. Nú þarf Mundi svolitla aðstoð og hana fær hann hjá góðu fólki í Búðardal.

Þegar ég kom heim í litlu íbúðina mína beið mín tölvubréf frá bróður mínum í Reykjavík. Með því fylgdi þáttur, sem birst hafði í norska sjónvarpinu um nýja tímann og gamla í Dölunum. Þar er Mundi í aðalhlutverki og löggan, sem lék sér hjá okkur í Brimnesi á barnsaldri svo og Bjarni á Leiðólfsstöðum og fleira gott fólk.  

http://www.nrk.no/nett-tv/klipp/788276/

 

Athugasemdir

[Sigrún Óskars, 25.9.2011 kl. 20:41]

þegar ég var lítil þá var ég stundum í sumarbústað (veiðikofa) rétt hjá Hóli og við keyptum mjólk í brúsa hjá Munda á Hóli. Man svo vel eftir honum - góður kall.

[Tommi (IP-tala skráð) 28.9.2011 kl. 01:38]

Þetta var skemmtilegt...og angurvært. Gaman að sjá andlit úr fortíðinni.

[Gunnar (IP-tala skráð) 30.9.2011 kl. 12:26]

Það var skrýtið að sjá Munda og staðinn eftir meira en 30 ár. Ég hef ekki komið þangað síðan ég var pjakkur í sveit hjá Munda og Ásu.