App er kló

Appið hefur vafist fyrir mér. Þó það beygist eins og tam. happ þá finnst mér það einhvern veginn án jarðteningar í íslenskunni.  Enda er tilvísunin í enska orðið "application". Einhvers staðar er því haldið fram að "application" sé forrit. Svo er auðvita ekki.

Application er e-ð, sem veitir aðgang, umsókn eða tengi. Því má nota orðið yfir smáforrit meðal annars. Í þeirri merkingu auðveldar og einfaldar forritið fólki aðgang að flóknari aðgerðum með stórum gagnagrunnum á netinu. Appið stingur okkur réttilega í samband við slíka möguleika.

Allir Íslendingar hafa vanist orðinu "kló" yfir það verkfæri, sem kemur okkur í samband við rafmagnið. Kló er skemmtilegt nýyrði í rafmagnsfræðinni. Hún líkist á vissan hátt klóm í dýraríkinu og svo notum við hana til að "læsa" rafmagnstækin í rafstrauminn.

Af hverju ekki að nota klær til að læsa okkur við aðgerðir af þessum toga á netinu?     

Athugasemdir

[Theódór Gunnarsson, 9.9.2013 kl. 07:12]

Af hverju er application "auðvitað" ekki forrit?

[Sigurbjörn Sveinsson, 9.9.2013 kl. 09:48]

Þetta er til hliðar og ekki kjarni þessa máls. Annars er svarið í næstu málsgrein.

[Theódór Gunnarsson, 10.9.2013 kl. 06:54]

Ég fæ ekki séð að þú hafir ekki tíma til að færa rök fyrir því af hverju application er ekki forrit. Það er ekki eins og þú rért að drukkna í athugasemdum.

Varðandi næstu málsgrein, þá er ég með í símanum mínum og í iPadinum allskonar "öpp" sem eru einfaldlega sjálfstæður hugbúnaður, en ekki tenglar inn á eitt eða neitt, t.d. gítarstillir, taktmælir, wifi sniffer, o.m.fl. Eru það ekki forrit?