Sr. Þórir til fyrirmyndar

Það var ánægjulegt að sjá og heyra sr. Þóri fyrrum dómkirkjuprest í gleðigöngunni í dag. Hans guðfræði var einföld. Um leið og hann gerði sér grein fyrir að kynhneigðin væri meðfædd og breytileg, þá lá beint við að álykta að öll værum við guðs börn. 

Gráar hærur eru heiðurs kóróna og þeim fylgir gjarnan frelsi andans.

Knattspyrna, kristni og BDSM

Athugasemdir

[Jón Valur Jensson, 7.8.2016 kl. 02:53]

Sr. Þórir hefur enga sönnun fyrir því, að samkynhneigð sé meðfædd.

[Halldór Egill Guðnason, 7.8.2016 kl. 03:16]

Ekki frekar en að Jón Valur hafi sönnun fyrir því að hún sé það ekki. Fögnum fjölbreytileikanum, en göngum jafnframt varlega um gleðinnar dyr.

 Góðar stundir, með kveðju að sunnan.

[Jón Þórhallsson, 7.8.2016 kl. 08:43]

Ef að Þórir er að flaðra upp um dragdrottningar; þá er hann ekki starfi sínu vaxinn:

http://thjodarskutan.blog.is/blog/thjodarskutan/entry/2170644/

[Sigurbjörn Sveinsson, 7.8.2016 kl. 13:01]

Sr. Þórir er trúmaður Jón Valur. Hann þarf engar sannanir. Þetta er hans afstaða. Hún fellur mér í geð og því held ég henni á loft hér á þessu bloggi.

[Jón Valur Jensson, 7.8.2016 kl. 13:08]

Mikið hefur verið reynt til þess, um margra áratuga skeið, Halldór Egill, að sanna það að samkynhneigð sé arfgeng eða meðfædd, en ekki tekizt þrátt fyrir viðleitni vísindamanna. Hvað segir það þér?

Ef ljóst er, eins og margir telja, að ófáir einstaklingar hafa áður verið gagnkynhneigðir, en síðar orðið samkynhneigðir, þá styður það ekki beinlínis afstöðu séra Þóris. En árið 1970 skýrði bandaríska Kinsey-stofnunin (mjög hliðholl samkynhneigðum) frá því, að 84% samkynhneigðra, sem þar voru rannsakaðir, höfðu breytzt í kynhneigð a.m.k. einu sinni; 32% þeirra sögðu frá því, að þeir hefðu skipt yfir tvisvar, og 13% kváðust hafa snúizt fimm sinnum í kynhneigð á æviferli sínum (Wood & Dietrich: The AIDS Epidemic, Portland: Multnomah, 1990, s. 238). Af gagnkynhneigðum höfðu skv. sömu könnun 29% breytzt í kynhneigð a.m.k. einu sinni, 4% tvisvar og 1% a.m.k. fimm sinnum (Bell og Weinberg: Homosexualities: A Study of Diversity Among Men and Women; S.K. Hammersmith: Sexual Preference: Its Development in Men and Women, Bloomington: Indiana Univ. Press, 1981).

Þá er ennfremur ljóst, að bæði í hóp- og einstaklings-meðferðum samkynhneigðra, sem leitað hafa til sálfræðinga og þerapista, geðlækna og atferlisfræðinga (meðferðum sem eru af ýmsu tagi, en sálgreiningar-meðferð algengust) hefur náðst, skv. yfirliti um slíkar rannsóknir á árunum 1962-1986, fullur árangur hjá þátttakendum í 27–28% tilfella að meðaltali. (Sjá samantektina Verulegur árangur af meðferð samkynhneigðra á www.kirkju.net)

Með hliðsjón af þessu er kannski ekki undarlegt, að þegar spurt var í skoðanakönnun á Reykjavík síðdegis (Bylgjunni og visir.is) 14. ágúst 2006: "Telur þú að hægt sé að breyta kynhneigð fólks?" þá svöruðu því 63% neitandi, en 37% játandi.

[Jón Valur Jensson, 7.8.2016 kl. 13:12]

... í 27 til 28% tilfella ...

átti að standa þarna í næstsíðasta málslið.

[Kristinn Ásgrímsson, 7.8.2016 kl. 15:10]

 r. Þórir er trúmaður Jón Valur. Hann þarf engar sannanir. Þetta er hans afstaða. Hún fellur mér í geð og því held ég henni á loft hér á þessu bloggi.

Þú ert læknir Sigurbjörn, eða það stendur hér á síðunni. Mér finnst þetta frekar ólæknisfræðileg niðurstaða....hún fellur mér í geð... og því ályktar þú að það sé rétt.

Getur þú sagt mér hvort kynhneigð sé líkamleg eða huglæg ?

[Jón Valur Jensson, 7.8.2016 kl. 15:33]

Gengur þessi afstaða þín nógu vel upp, ágæti vinur minn Kristinn, miðað við afstöðu þíns trúfélags sem hér kemur fram: Yfirlýsing 20 trúfélaga og 20 einstaklinga vegna stjórnarfrumvarps um málefni samkynhneigðra

[Sigurbjörn Sveinsson, 8.8.2016 kl. 13:06]

Kristinn: Ég ekkert fullyrt um það, hvort ég hafi rétt fyrir mér. Ég lýsi einungis skoðun minni. Þegar ég er með sjálfum mér, þá leyfi ég mér stundum að vera ekki læknir og prófa ekki skoðanir mínar í ljósi læknisfræðinnar.

Jón Valur: Kristinn er greinilega að vitna í mig. Við skulum ekki hafa hann fyrir rangri sök. 

[Jón Valur Jensson, 8.8.2016 kl. 15:59]

En ertu trúmaður, Sigurbjörn, ertu ekki í Siðmennt, eða er ég að slá þér saman við annan Sigurbjörn?

En varðandi "frelsi andans", þá er það vitaskuld afar mikilvægt og ekki aðeins á akademísku sviði og í öllum vísindum og öðrum sviðum lífsins. En kristnir menn nota líka sitt andlega frelsi til að finna Krist, m.a. með rannsókn ritninganna, og þegar þeir finna og sjá, hver hann er, þá telja þeir sig bundna honum og hans vilja, boðskap hans og lífsstefnu og þjónustu við að gera sem honum líkar, gagnvart bæði sjálfum sér og öðrum.

[Sigurbjörn Sveinsson, 8.8.2016 kl. 20:27]

Ég er trúmaður Jón Valur.  Leiðtogi minn leyfði börnunum að koma til sín og hélt hlífiskildi yfir vændiskonum

[Jón Valur Jensson, 9.8.2016 kl. 16:25]

Gott mál, Sigurbjörn. 

[Jón Valur Jensson, 9.8.2016 kl. 17:13]

Og ert það ekki þú sem átt greinina í Mogganum í dag?

[Kristinn Ásgrímsson, 9.8.2016 kl. 18:21]

Sæll Sigurbjörn og þakka þér svarið, auðvitað hafa allir síinar skoðanir burtséð frá starfi, hins vegar þegar prestar standa gegn kristinni kenningu, þá þykir mér það miður, ekki flott, mér finnst það vera hliðstætt við að læknir taki afstöðu gegn skýrum læknisfræðilegum rökum og myndi fagna þvi að sjúklingur hans væri sjúkur. 

Þú svaraðir ekki spurningu minni um kynhneigð, hvort hún væri huglæg eða líkamleg ???  En ég held að það skipti máli. Við stöndum gegn líkamlegum sjúkdómum, af hverju ekki gegn huglægum ?

Já Jón Valur ég kóperaði tilvitnum í Sigurbjörn, kannski ekki nógu skýrt hjá mér.  En Guð blessun til ykkar.

[Sigurbjörn Sveinsson, 9.8.2016 kl. 22:38]

Kynhneigð er líkamleg og líffræðilegá breytileg. Breytileikinn er ekki sjúkdómur. Eg er í tengslum við margt samkynhneigt fólk, sem er alls ekki veikt. Raunar flest framúrskarandi manneskjur. 

[DoctorE (IP-tala skráð) 11.8.2016 kl. 10:32]

Samkvæmt JVJ þá væri hægt að gera hann að homma. Nokkur viðtöl hjá sála eða geðlækni, bang JVJ verður gay