Dauði Lúðvíks

Í hröðum takti

hleypur slagverkið undir þig

og sárir strengir

hnýta lífsandann um dægur

líkt og vefur fúgunnar.

 

Hinn eilífi straumur lífsins

úr öðrum þætti 

leysir klakaböndin

- um stund.

 

En arfur tímans

eltir eins og skuggi

og taktstokkur hans

mælir fegurðinni endi

- ekki síður

en ágústdagar Norðanmannsins.

 

Þeir sem vilja vita meira um dauðastríð Beethovens er bent á athyglisverða grein eftir Ragnar Pálsson í nýjasta hefti Læknanemans.

Athugasemdir

[Davíð Löve., 11.3.2009 kl. 16:08]

Hvurn fjandann á þetta að fyrirstilla?????

[Hilmar Gunnlaugsson, 11.3.2009 kl. 18:10]

Þakka þér fyrir þetta góða ljóð Sigurbjörn minn.

[Þórarinn Þ Gíslason (IP-tala skráð) 12.3.2009 kl. 04:02]

Sæll Sigurbjörn.

Ég verð að segja eins og er.

Þú kemur mér verulega á óvart með náðargáfu þína á sviði ljóðalistarinnar. Það er ekki öllum gefið.

Haltu áfram á sömu braut og deildu þessu með okkur.( Það læknar líka ! )

Eins og þú segir.

Hinn eilífi straumur........................

Takk fyrir og kær kveðja.

[Friðrik Thor (IP-tala skráð) 13.3.2009 kl. 14:15]

Nú vantar mig eins og einn helgarmola.

[Sigurbjörn Sveinsson, 13.3.2009 kl. 14:21]

Helgarmolinn: Hvernig get ég megrað mig? var langt kominn í handriti þegar hann hvarf allt í einu og ég hef ekki fundið hann síðan. Sjálfsagt lent í bráðamegrun. Verður því að bíða.

[Tómas Örn (IP-tala skráð) 13.3.2009 kl. 18:19]

Af því molinn kom ekki inn í dag hélt ég að Dauði Lúðvíks væri tilkynning um að þú værir hættur að blogga

[EE elle (IP-tala skráð) 17.3.2009 kl. 09:22]

Kannski hætti hann með Sigurði?

[Margrét St Hafsteinsdóttir, 19.3.2009 kl. 20:21]

Sæll Sigurbjörn.

Alltaf gaman að góðum ljóðum Vona að heimasætan hafi verið ánægð með húfuna   Kv.

[Sigurður Þór Guðjónsson, 21.3.2009 kl. 01:50]

Samkvæmt Austurrísku veðurstofunmi var vestan stormur og snjókoma og þrumuveður gekk yfir klukkan fjögur síðdegis daginn sem Beethoven dó. Það stemmir við þann margítrekaða vitnisburð í bókum að þrumur hafi gengið yfir þegar Beethoven var að deyja.