Það geta áreiðanlega fleiri skrifað vinjettur en Ármann

Það rifjaðist upp fyrir mér að fyrir nokkrum árum tók smáfyrirtæki hér í borg fé almennings til fjárvörslu og hét góðri ávöxtun. Eiganda þessa fyrirtækis varð það á að lána peningana skyldum aðilum og því meir sem reksturinn gekk verr. Hans hlutskipti varð að gista Kvíabryggju í þágu samfélagsins og það áður en Árni endurnýjaði beddana. Hann skrifar nú örsögur og kemst í útvarpið hjá Jónasi og fleirum.

Nú sýnist mér tilefni til að fleiri reyni sig við örsögur eftir endurhæfingu á Kvíabryggju, allavega ef ríkið ætlar að umbuna þegnum sínum samkvæmt jafnræðisreglunni.

Dapurlegar fréttir af Samson

Athugasemdir

[Finnur Bárðarson, 31.3.2009 kl. 16:49]

Ég held að Kvíabryggja hafi sannað endurhæfingargildi sitt. Úr sukki og svindli í ljóðagerð. Hver veit nema Bjöggarnir búi yfir einhverjum hæfileikum líka.

[Ragnheiður Gestsdóttir (IP-tala skráð) 31.3.2009 kl. 17:00]

Verra væri samt ef þeir feðgar færu að fara illa með fallegt fjörugrjót eins og Árni Johnsen gerði meðan hann sat af sér ...

[Hildur Helga Sigurðardóttir, 31.3.2009 kl. 23:49]

Á nú að fara að útbía blásaklaust fjörugrjót í forljótum Vínjettum ?

Eru engin takmörk fyrir ósmekk í þessu landi ?

[Hólmfríður Pétursdóttir, 1.4.2009 kl. 10:45]

Gæti trúað að einhverjir slægju í gegn með ýkjusögum.

Ekki má heldur gleyma gamalli hefð, öfugmælavísunum.

Fljúgandi eg sauðinn sá

Saltaramm hjá tröllum,

hesta sigla hafinu' á, 

hoppa skip á fjöllum.

[Hólmfríður Pétursdóttir, 1.4.2009 kl. 10:46]

Auðvitað er það Saltarinn sem er hjá tröllum