Faðir minn heitinn?

Færi ekki betur á því, að faðir hans sálugi vitji Kára í draumi?  Annars er ég ekki viss um, að Stefán heitinn Jónsson komi fram í háloftunum.

„Væri ég lifandi hefði ég sent þessa vísu inn í Moggann“

Athugasemdir

[Anna Sigríður Guðmundsdóttir, 19.9.2013 kl. 17:44]

Já, nú þarf karl faðirinn að leiðbeina syninum Kára, frá hinu ærða og efra. Blessuð sé minning allra þeirra sem búa í efra. Allir eiga jafnan möguleika á lífi þar. Almættið fer ekki í flokkanir og útskúfanir.

Trúarbrögð eru misviturra manna verk, til að drottna yfir öðrum.

M.b.kv.

[Húsari. (IP-tala skráð) 19.9.2013 kl. 23:52]

Mikill er máttur andskotans!

[Sigurbjörn Sveinsson, 20.9.2013 kl. 10:24]

Stefán Jónsson var etirminnilegur maður, sem ég kynntist löngu á undan Kára þó við værum samtíða í skóla. Lífsgleði á tréfæti er óviðjafnanlegur monolog veiðimanns, sem er nánast í yfirskilvitlegu sambandi við náttúruna. 

En ég gat ekki stillt mig um að gera athugasemd við þá aðferð Kára að kalla Stefán föður sinn heitinn  úr því hann var að nudda sér upp við íslenskuna á þennan hátt. Ég hef vanist því að segja "heitinn" um þá látna, sem nefndir eru með nafni en "sálugi" ef sérnafn er ekki notað. Þeir kenndu mér þetta Dalamenn og frændur þeirra Aðalsteins Kristmundssonar og Stefáns frá Hvítadal. 

[Gunnar S (IP-tala skráð) 20.9.2013 kl. 20:16]

Ég læt mér í léttu rúmi liggja hvort maður er "heitinn" eða "sálugur". En þegar Húsari hóstar, þá þurfum við að hugsa. Hann hefur öðrum fremur fengið okkur til að íhuga á þessari síðu þá síðubóndi yrkir. Hvað þá er hann nefnir sjálfan andskotann til sögunnar. Hvað gæti hann átt við?

[Sigurbjörn Sveinsson, 20.9.2013 kl. 22:08]

"Þeir sem ekki geta ort eða komið saman óbrjáluðum texta gerast oft gagnrýnendur að ég ekki segi ofsækjendur þeirra er það geta og af skiljanlegum ástæðum " Húsari 1.7.2009.

Ég hefði ekki átt að stríða Kára á íslenskunni því þar stendur hann mér miklu framar. En hann hefur kosið að verja spítalann með árás á menningarstofnun eins og hann sparkaði í Hörpuna fyrri daginn. Lýsir það mikilli skammsýni þegar andleg heilsa þjóðarinnar er metin til lengri tíma. Það er eins og hann kjósi helst að kerlingin verði á rambi með brauðið dýra í þokunni um aldur og ævi.

[Bjarni blindi. (IP-tala skráð) 24.9.2013 kl. 18:54]

Margblessaður, Sigurbjörn.

Ég geri ráð fyrir því að þú munir enn eftir sveitunga okkar,
honum Jóni, þegar hann datt steindauður niður og hans
helsta góss í hérvistartilveru, búlgörsku gervitennurnar,
fuku steindauðar líka á völlinn.
Hvað var ekki gert, helsti samverkamaður hans
til margra ára þaut með mublu þessa til hans ektakvinnu.
Og hvað sagði hann ekki þegar hann stóð á tröppunum,
móður og másandi, frammi fyrir blessaðri ekkjunni
um leið og hann tilkynnti henni andlátið hans Jóns sáluga,
terrandi þeim búlgörsku nánast að vitum hennar:"Jón er
nú dauður en ég kom með þær búlgörsku úr honum Jóni
heitnum svo þú gætir ornað þér við minningu hans á löngum
vetrarkvöldum. Mikið óskaplega var þetta nú vandaður maður
hann Jón heitinn, bæði lífs og liðinn. 

Ég gef ekkert fyrir þennan Húsara sem hér hefur skrifað um,
uppblásinn og útbólginn allur af hroka og hofmóði og ekki skal
hann einusinni ávarpa þig og engin kveðjuorðin, ja svei!
Ég ann lýðræðinu en þennan mann hefðir þú átt að loka algerlega
fyrir. Þykist hafa vit á kvæðum og rekandi hnýflana í allt og alla.
Og ætli maður hafi svo sem ekki lesið hinn sæla Jón Vídalín
sem manngarmur þessi virðist hafa verið að vitna í
og man svo ekki textann!! Heldurðu að sé nú!
Við vöndumst nú húspostillunni þeirri góðu og þar stendur skýrum
stöfum skrifað af blessuðum Skálholtsbiskupi, Jóni Vídalín:
"Mikill er andskotinn."

Megi himnarnir hnýta þér og þínu fólki sigurkrans
nú og ævinlega,

Bjarni blindi.

[Húsari. (IP-tala skráð) 9.10.2013 kl. 02:52]

Sæll Sigurbjörn!

Það er sérstakt ánægjuefni að draumfarir hins merka
vísindamanns, Kára, skuli vera svo afgerandi sem lýðum
er nú ljóst.
Ekki þarf að efa það eitt andartak að faðir hans
hafi birst honum enda bar hann að mati dulfræðinga
í hæsta lagi einungis fágaða vinstri slagsíðu síns tíma
og því átt auðvelda komu í gegnum eterinn, electro-magnetískt
tíðnisvið eða róf það af rafmagnaðri lágtíðni sem nauðsynleg
er talin til að slík opinberun geti átt sér stað.
Hinir sömu dulfræðingar segja hins vegar með öllu
ómögulegt fyrir Leninista og Marxista að komast í gegnum það
nálarauga.
Þó það komi þessu máli ekki við nema þá sem vísun til
Hörpunnar þá er vitað af tónverkum og sérílagi e. Beethoven
sem snarast hafa viðstöðulítið í gegnum eterinn eftir
telepatískum leiðum. Vonandi að þau verk verði leikinn innan tíðar.

Bjarni blindi lætur móðann mása á bloggi þínu og vekur orðræða hans
sannast sagna upp spurningar um hver gæti varðanna!
Sagnir hans af Jóni eru allar rangar.
Jón þessi var hvurjum manni hvumleiður og jafnan talinn skólabókardæmi
um það sem fæðist illt inní þessa veröld, er illt að innstu rótum;
illt að upplagi og illt í öllu sem það aðhefst.
Jón þessi datt á stein er hann steyptist framfyrir sig og
gervitennur, íslenskar, mölbrotnaðu. Þar fóru 500 þús. fyrir lítið
því endurvinnsla var lítt eða með öllu ómöguleg.
Líknandi stéttir og umfaðmandi er komu á staðinn höfðu
meðferðis hnallinn góða (notaður við seladráp) í því tilviki
að Jón rankaði til lífsins.
Vitaskuld er það eitt andskotans reiðarslag að Jón Vídalín
skyldi upphefja andskotann með þeim hætti sem raunin er
til róta í postillu sinni en þegar öllu er á botninn hvolft
þá er Bjarni blindi einhver besta sönnun þess að
Jónsbók innihaldi ívitnuð orð: Mikill er andskotinn!

[Frieda Soderholm Nielssen (IP-tala skráð) 9.10.2013 kl. 16:22]

Sigurbjorn.

Mér brær við að sjá hvernig þið lakknirarnir
hagið ykkur og mér hlakkar til að sjá þetta
ómerkilega blogg að lenda í 1500. sæti á Mokkablogginu.

Andatrú, shamanism og djöflatrú vaðandi bomsulaust
uppí hnéstívél.
Það stendur í Nýhestamenntinu að það er bannað
að dreyma faðir sinn og meiraseija Mömmu sína líka.

Ég seiji bara Stoppaðu Sigurbjorn svo þú
lendir ekki hjá honum Kára.

[Guðrún Ósvífurs Thorlacius (IP-tala skráð) 11.10.2013 kl. 13:54]

Sæll Sigurbjörn.

Við hjónin höfum haft þá ánægju að fylgjast með þessu bloggi
og þökkum fyrir stuðninginn við Hörpuna.
Við fórum þangað í gærkvöld til að hlusta á hátíðarforleik
Rimsky Korsakov ásamt öðrum hjónum og ég og við
bæði hjónin og hin hjónin bæði tvö nutum þessa viðburðar.
Ég vil að lokum og við bæði hjónin þakka fyrir öll
atómljóðin sem þú hefur birt eftir Hannes Hafstein.
Finnst að þú getir lítið gert við því þó einhver bloggi um
andatrú en við bæði hjónin og þó sérstaklega ég af okkur
báðum hjónunum er mikið gefin fyrir spiritisma.

[Frieda Soderholm Nielssen (IP-tala skráð) 11.10.2013 kl. 14:05]

Sigurbjorn.

Þessi kona ætti nú bara að deita Nílhestamenntið.
Diablo! Hvernig getur einhver verið svona á
eyrnasneplunum! Ert eitthvað þroskaheft, líttí
speiil og rektu tunguna út í hægri kinnina og
horfðu í kross og þá veistu hvað þú er.

Allir fá gat á hausinn og fara beint til fjandans sem
eru í andatrúnni. Bara must fyrir þig, skrukkan þín,
að hugsa málið, ha? Meina það, 3 bíó! 

[Húsari. (IP-tala skráð) 11.10.2013 kl. 16:54]

Sæll Sigurbjörn.

Í nútímamáli held ég að 'heitinn' hafi leyst af hólmi
þau orð sem áður voru notuð.
Í orðabókum og málfarsbönkum er enginn greinarmunur gerður
á orðunum 'heitinn' og 'sálugi' en þó helst að sérnafn fylgi
en þó ekki skilyrt.
Hér þarf þó að hafa í huga að orðabækur eru í eðli sínu
pólitískar og oft pólitísk hugmyndafræði að baki því hvað fær inni.
(útgáfa Biblíunnar jafnan rammpólitísk og Hrunbiblían 2007 versta
dæmi fyrirfinnanlegt um það)
Í ritum frá því á 19.öld sést að orðið 'sálugi' er notað með sama
hætti og 'heitinn' er nú.
Þó held ég að nánd og fyrrð sem og hátíðlegt orðaval leiði til þess
að frekar sé orðið 'sálugi' notað en engan veginn einhlítt.
Vera má að lýs og flær, fénaður og menn sem svo þétt sat
hverju öðru að ófriður var ekki í boði heldur samlífi í friði og
spekt ásamt og með lífsháskanum við hvert eitt spor
hafi einhverju ráðið en þó er mér það til efs.
Þá er þess að gæta að meðalaldur kynni að hafa verið um 60 ár
á þeim tíma er þú nefnir. Einnig er ekki útilokað að orðnotkun
hafi ekki verið hin sama eftir landshlutum hvað þetta varðaði
eða í stuttu máli engin ástæða til að efast um að þeir vísu
menn sem þú tilfærir hafi haft haldbær rök fyrir máli sínu.
Held reyndar að flestir forðist notkun þessara orða
núorðið en vísi beint til sérnafna.

En það var svo refurinn sem spurði hanann: Ekki vænti ég
að þú syngir jafn vel og hann faðir þinn heitinn gerði?!