Hroki???

Svo er sagt hér fyrr á blogginu. Þeir njóta sjaldnast eldanna, sem fyrstir kveikja. Þeir, sem hugsa öðruvísi en fjöldinn eru alltaf öðruvísi en fjöldinn. En fjöldinn hefur alltaf reitt sig á hina sérstöku, þegar í harðbakkann slær. Það vita allir hvar Vilhjálmur stendur. Hann var einungis samkvæmur sjálfum sér í kvöld. 

Ef hann var annarlegur í hátt að einhverra mati, þá var sú hegðun í þágu réttlætiskröfu dagsins í dag.  

Afþakkaði gjafabréf í Útsvari

Athugasemdir

[Axel Jóhann Hallgrímsson, 9.4.2010 kl. 21:58]

Gott hjá Vilhjálmi og sterkari skilaboð en mörg fréttin.

[Guðlaugur (IP-tala skráð) 9.4.2010 kl. 22:02]

Það færi betur að fleiri tækju Vilhjálm sér til fyrirmyndar í þessu máli. Það er til dæmis tilvalið fyrir Íslenska þjóð að aka fram hjá Bleiksvínabúðnni og versla í matinn annars staðar til að sýna þeim ágætu mönnum að við látum ekki bjóða okkur hvað sem er. Við Íslendingar myndum aldrei láta erlenda verslun eða eigendur erlendrar verslunar bjóða okkur þá framkomu sem eigendur Bleikasvínsins hafa gert.Gs.

[Sigurður Þór Guðjónsson, 10.4.2010 kl. 00:23]

Vilhjálmur var flottur!

[Sigurbjörn Sveinsson, 10.4.2010 kl. 00:31]

Mér þykir vænt um trúfesti þína SÞG við heilbrigða hugsun. Heilbrigðin leiðir samt sem áður ekki alltaf til sömu niðurstöðu eins og dæmin sanna. Fjölbreytnin er dyggð ens skáldið sagði.

[Kama Sutra, 10.4.2010 kl. 01:45]

Já, flott hjá Vilhjálmi að neita að þiggja þýfið.

[Grefillinn Sjálfur - Koma svo! (IP-tala skráð) 10.4.2010 kl. 12:11]

Ég var svona að spá hvort einhver viti hvað varð um þetta blessaða gjafabréf frá Iceland Express sem Vilhjálmur Bjarnason vildi ekki taka við í Útsvarinu í gær?

Mig langar nefnilega að skreppa til Köben - eða London - og þá kæmi sér heldur betur vel að eiga svona bréf sem maður vísar bara fram og fær flugmiða í staðinn fyrir.

Og fyrst enginn vill nota þetta gjafabréf og Vilhjálmur hefur ekki lyst á því, þá sé ég ekkert að því að ég fái að nota það.

Ekki viljum við að það fari til spillis? Nei, það væri auðvitað bruðl.

Gæti einhver sem les þetta farið í málið fyrir mig, fundið bréfið og látið mig vita?

Takk fyrirfram.

[Finnur Bárðarson, 10.4.2010 kl. 18:08]

Vilhjálmur stendur upp úr

[Krímer (IP-tala skráð) 10.4.2010 kl. 18:39]

Pálmi Fonsson var kominn með það í hendurnar, þegar ég rændi því af honum, þannig að ég er á leiðinni út, sorry Grebbi