Stjórnlagaráðsmenn fara um með gífuryrðum

Þorvaldur Gylfason segir, að "já" við tillögum stjórnlagaráðs geri þær óbreyttar að stjórnarskrá Íslands. Eiríkur Bergmann Einarsson segir, að "nei" við sömu spurningu geri frumvarp til nýrrar stjórnaskrár að engu og skjóti öllum stjórnaskrárbreytingum á frest um ófyrirsjáanlega framtíð. Hafi þessir menn báðir rétt fyrir sér, eru þær efnislegu spurningar, sem lagðar eru fyrir þjóðina í kosningunum næsta laugardag, markleysan ein.

Steininn tók þó úr í útvarpsprédikun síðast liðinn sunnudag þegar Örn Bárður Jónsson, sóknarprestur í Neskirkju, sagði lýðveldisstjórnarskrána undirstöðu misréttis og ófriðar í samfélaginu og að þeir, sem legðust gegn tillögum hans og félaga um breytingar á henni, vera bófaflokka, sem reyndu að verja sérhagsmuni sína með því að standa gegn stjórnarskrárbreytingunum.

Við höfum sem sagt náð þeim árangri, sem við blasir, þrátt fyrir stjórnarskrána.

Með orð þessara manna í huga tel ég skynsamlegt að meta handaverk þeirra að nýju áður en greidd verða atkvæði um þau. 

Athugasemdir

[Bjarni Gunnlaugur (IP-tala skráð) 16.10.2012 kl. 15:41]

Ég er farinn að halda að þessi nýja stjórnarskrá sé hrákasmíði liðs sem samanstandi af ESB flugumönnum,hálvitum og nytsömum sakleysingjum hverju innan um annað. Líklega að mestu úr 101 þó ljótt sé kanski að segja það.  Aumt er að sjá yfirklór þess ágæta manns Ómars Ragnarssonar varðandi afnám á takmörkun á kaupum útlendinga.  Eða hvernig umræður um auðlindir landsins eru gjörsamlega úti í móa.   Ég hef fylgst lauslega með umræðum um nýja stjórnarskrá fullkomnlega hlutlaus. En eftir því sem málið er skoðað betur sannfærist maður um að vissast er að svara þessu öllu á einu bretti með góðu og feitu NEI.     Vonandi svo að aulahrollurinn vegna þessa liðs nái að hverfa með tíð og tíma.

Til hvers er annars verið að eyða kröftum og tíma í þessa vitleysu? Af hverju snúast umræður á landinu í dag ekki um hvernig hægt sé  (og hvort eigi) að greiða skuldir landsins og jafna órétti venga vísitölu og gengistryggingar? Ekki hvort heldur hvað eigi að gera?     Af hverju er enginn að stappa stálinu í þjóðina með hvernig hægt sé að spara gjaldeyri og vinna sig út úr vandanum?  Af hverju er Össur ekki búinn að taka pokann sinn eftir að henda milljarði í spilltar ríkisstjórnir sem sár þörf var fyrir t.d. á Landspítalanum? (þe. miljarðinn ekki spilltu ríkisstjórnirnar)  Af hverju í andskotanum er þessari bölvuðu ESB umsókn ekki hent út í hafsauga og farið að vinna í brýnni verkefnum?

Spyr sá er ekki veit!

[Anna Sigríður Guðmundsdóttir, 18.10.2012 kl. 12:23]

Sigurbjörn. Mér líður svipað og þér yfir þessu sjórnarskrármáli.

Ef við athugum hvaða þingmenn/konur eru í leyfi, og staddir erlendis í opinberum erindagjörðum einmitt núna, þá er ekki ólíklegt að verið sé að sérsníða einhverja falska niðurstöðu fyrir tilvonandi heimsveldið ESB.

Reynslan hefur kennt mér að vera tortryggin út í spillt og embættis-fjarstýrð stjórnvöld.

Ég ber ábyrgð á mínu atkvæði, og aðrir bera ábyrgð á sínum. Mikilvægast er að fólk láti ekki áróður stjórna afstöðu sinni. Lýðræði byggist á sjálfstæðum vilja upplýstra kjósenda.

M.b.kv.

[Sigurbjörn Sveinsson, 18.10.2012 kl. 13:46]

Satt er það Anna Sigríður.