Aðþrengdir draumar

Ég átti lítinn fugl,

sem þandi út vængina

og dansaði með handleggjunum.

Þeir voru eins og sígrænn vafningsviður,

sem boðaði notalegt sumar

um  nákaldan vetur.

 

Fuglinn er orðinn of stór 

fyrir lófann minn.

 

Þetta var þegar myrkrið

missti fótanna

og háaloftið fylltist af draumum,

sem urðu eins og bonsai tré

eða blæðandi fætur

í alltof þröngum táskóm.

 

Athugasemdir

[Guðmundur Björnsson, 31.10.2012 kl. 21:15]

Hljómar eins og Nóvember, í stíl við útlit forsíðunnar. Annars frábærar hugleiðingar. :=))

[Sigurbjörn Sveinsson, 2.11.2012 kl. 22:57]

Guðmundur: Þetta eru hugleiðingar, sem eru skildar http://sigurbjorns.blog.is/blog/sigurbjorns/entry/1098523/ en það þarf svolítið innsæi til að tengja þær saman. En svo vikið sé að öðru og grein, sem birtist í Mogga í gær, þá eru þeir baggar, sem þú batzt mér forðum, enn á mínum hoknu herðum.