Fáranleg viðmið Landspítlans

Ungt fólk og heilbrigt bíður eftur gerviliðum í 9 mánuði. Nú á að minnka hlutdeild hinna bíðandi um ca. 20%. Á meðam bíður þetta fólk, sem í raun er verkfært, óvinnufært og nánast í kör. Hvar er metnaðurinn? Hvert stefnum við?

Ráðherrann og stjórn spítalans unir sér við það eitt, að eiga nóg hráefni á lager eins og sjúklingarnir séu súrál. 

Stefna að því að stytta biðlista

Fjölgun öryrkja er uppsafnaður vandi; stífla, sem er brostin

Þegar VIRK kom til sögunnar til að létta af lífeyrissjóðunum væntanlegum örorkuvanda og skjóta nýjum stoðum undir virkt vinnuafl, töldu margir að vænta mætti færri öryrkja og fleiri vinnufærra einstaklinga. Hugsanlega hefur þessum væntingum verið mætt að einhverju leyti. Það, sem við eigum hins vegar erfitt með að horfast í augu við, er að fjöldi fólks hefur verið að flækjast í Völundarhúsi VIRK í mörg ár, án þess að eiga nokkra von um að komast út úr því.

Nú er þessi stífla að bresta og því þarf að taka heiðarlega afstöðu til þeirra, sem eru í raun öryrkjar og samfélagið þarf að aðstoða til frambúðar.

VIRK hefur hjálpað mörgum, einkum yngra fólki, en aðrir hafa verið þar í biðsal. Þeiira bíður ekkert annað en varanleg örorka. Þessir einstaklingar eru nú að koma fram á línuritum, sem boða Harmageddon í augum sumra en raunveruleikann ótruflaðan í augum annarra. 

Þetta mun auðvitað ná jafnvægi en niðurstaðan verður, að VIRK mun ekki lyfta Grettistaki til fækkunar öryrkjum, heldur lengja vist þeirra í forgarði örorkumatsins og sía þá betur frá, sem eiga sér von í ólgusjó atvinnulífsins.

Það þarf að gæta þess, að þegar fyrrgreindu jafnvægi er náð verði VIRK ekki skjól sérfræðinga á hinum ýmsu sviðum heilbrigðis- og félagsvísndanna, heldur raunveruleg stoð þeirra, sem minna mega sín.

„Þróunin getur ekki haldið svona áfram“

Fullorðinn-fórnarlamb-fjárskortur

Háskólasjúkrahúsið er stíflað. Þetta er kallað "fráflæðisvandi".  Áður var talað um að gamla fólkið, hjúkrunarsjúklingarnir, tækju upp bráðarúmin.

Gamla fólkið tekur ekki upp nein rúm. Það hefur engan áhuga á að liggja á sjúkrahúsunum og allra síst á göngunum. Helst vill það halda heilsu og vera heima hjá sér. Að öðrum kosti vill það halda reisn sinni í viðeigandi hjúkrun og endurhæfingu, ef á henni er kostur. 

Þjóðfélagið hefur ekki sinnt þörfum þessa hóps samborgaranna. Úrlausnirnar hafa verið látnar sitja á hakanum og fjármagninu beint annað. Hjúkrunarþjónustan býr við afstæðan fjárskort. Ekki niðurskurð heldur beinan fjárskort. Gamla fólkið er fórnarlömb þessa fjárskorts.

Ekki hægt að misskilja Dag

Hvað eftir annað hafa kennarar kyngt "umbótaáætlunum" í tengslum við kjarasamninga og samþykkt þá með óbragð í munni. Eldri kennarar hafa í raun samið sig út af markaðnum eða með öðrum orðum samið yfir sig óhóflegt vinnuálag. Þar fyrir utan hefur skólastefnan verið vinnu- og barnfjandsamleg með hinum illræmda "skóla fyrir alla" sem gerir skólaumhverfið óbærilegt bæði fyrir kennara og börn.

Dagur sagði: "nýr samn­ing­ur verði liður í heild­stæðri um­bóta­áætl­un sem mótuð verði í sam­starfi við kenn­ara og annað fag­fólk skóla­sam­fé­lags­ins, auk þess að bæta kjör­in."

Þetta verður ekki misskilið hverju sem Dagur vill halda fram í dag. Það á að halda áfran á sömu braut. 

Vill vinna umbótaáætlun í samvinnu við kennara

Biðlistarnir blöff

Veran á biðlista eftir gerviliðsaðgerð var sögð um 37 vikur í byrjun þessa árs eða um 9 mánuðir. Hér er ekki öllu til haga haldið því sjúklingurinn getur þurft og þarf yfirleitt að bíða eftir að komast á biðlistann. Hann er með öðrum orðum á biðlista eftir að komast á biðlista. Bæklunarlæknar, sem starfa á Landspítala, taka eðlilega sjálfir ákvörðun um hvaða sjúklingar eiga erindi í aðgerð. Er biðin eftir þeirri ákvörðun nú um 4 mánuðir. Því virðist mega bæta þeim mánuðum við biðlistayfirlitið hjá landlækni. 

Árangur í að stytta biðlista

Kjararétta þingfararkaups

Ég tel rétt að aðskilja ákvarðanir um laun þingmanna og annarra, sem kjararáð fjallar um og fela ákvarðanir um laun þingmanna sérstakri nefnd eða kjararáði. Nefnd þessi yrði skipuð skv. tilnefningum helstu launþegasamtaka landsins svo sem ASÍ, BSRB, BHM og etv. fleiri. Neytendasamtökin gætu átt aðild að slíkri nefnd. Með þessu fyrirkomulagi mætti líta svo á, að kjósendur bæru ábyrgð á launaákvörðunum hvað þingmenn varðar.

Þingmenn höfðu oft laun fyrir önnur störf fyrir 1971

Þetta er ekki með öllu sambærilegt því á árum áður héldu menn störfum sínum þrátt fyrir að sitja á þingi og nutu launa fyrir það. Á 7. áratugnum urðu þær raddir áberandi sem töluðu fyrir hækkuðu þingfararkaupi þannig að þingmennskan yrði fullt starf og þingmenn yrðu ekki öðrum háðir. Eysteinn Jónsson, Framsókn, var t.d. eftirminnilegur talsmaður þessarar skoðunar.

Það er því ekki sanngjarnt að bera saman þinfararkaup og kennaralaun þá og nú. Þingmenn hafa sennilega alltaf haft tækifæri til að afla hærri tekna en kennarar. 

Þingmenn höfðu sömu kjör og kennarar

Sjálfstæðisflokkurinn er einangraður

Í greipum útgerðarmanna og evrópuandstæðinga. Hann er ekki stjórntækur frekar en Framsókn og Samfó . Þetta er sorglegt .

 

Hefur engum dyrum lokað

Góð næring er mikilvæg á ferðalögum

Mér er það minnisstætt er kollegi minn, reyndur læknir, lýsti því fyrir mér, hvernig hann örmagnaðist á rjúpnaveiðum. Sem betur fer þurfti ekki að kalla til björgunarsveit en hann var að eigin mati kominn í meiri háttar vandræði.

Hann taldi sjálfur líklegustu skýringuna að hann var illa nærður og hafði ekki viðunandi nesti meðferðis. Við þessar aðstæður geta efnaskiptin í líkamanum gírað sig yfir í mjög óhagstæða orkuvinnslu og líkaminn súrnað á skömmum tíma.Það truflar bæði öndun og starfsemi nýrnanna.

Menn eiga aldrei að fara á fjöll illa á sig komnir eða nestislausir. Það getur leitt til ófarnaðar. 

Örmagnaðist á rjúpu

Viðreisn er nýtt afl með heilbrigða sýn til verkefnanna

Staðan er augljós. Ný ríkisstjórn verður ekki til nema með þátttöku Viðreisnar. Ekkert kemur í veg fyrir það nema ríkisstjórnarmynstur, sem aldrei hefur verið áður á borðum landsmanna. Úr þessu er besti kostur kjósenda að stuðla að sterkri stöðu Viðreisnar í stjórnarmyndunarviðræðum með myndarlegan þingflokk. 

Ný könnun sýnir Viðreisn í lykilstöðu